All Ration Shops to be Assigned Color Codes

पणजी: राज्यातील स्वस्त धान्य दुकानदारांकरिता केंद्र सरकारच्या योजनांची माहिती देण्यासाठी त्याचबरोबर त्यांच्या समस्या जाणून घेण्यासाठी सोमवारी सकाळी त्यांचा मेळावा पार पडला. या मेळाव्यात सर्व स्वस्त धान्य दुकानांना ‘कलर कोड’ दिला जाणार आहे. त्याशिवाय धान्य वाहतुकीसाठी पूर्वी निश्चित खर्च ठरवून दिला होता, त्यात आता बदल करून तो किलोमीटरनुसार दिला जाणार असल्याची माहिती देण्यात आली.

इन्स्टिट्यूट मिनेझिस ब्रागांझा संस्थेच्या सभागृहात नागरी पुरवठा खात्याने हा कार्यक्रमाचे आयोजित केला होता. संचालक जयंत तारी यांच्या मार्गदर्शनाखाली हा मेळावा पार पडला. या मेळाव्याविषयी माहिती देताना उपसंचालक तुळशीदास दाभोळकर यांनी सांगितले की, स्वस्त धान्य दुकानदारांना आत्तापर्यंत आपणास फायदा होत नसल्याचे दिसत होते, त्यांच्या समस्या जाणून त्यांच्यासाठी योजना आणण्याचे सरकारने योजले आहे.

जेणेकरून त्यांची व्यवहार्यता अधिक सुधारली जाईल. स्वस्तधान्य दुकानांना मिळणाऱ्या नफ्याची (मार्जीन) रक्कम वाढविण्यासाठी, दुकानांमध्ये काही वस्तू विक्रीसाठी उपलब्ध करून देण्याचा विचार सुरू आहे.

बक्षीसप्राप्त स्वस्त धान्य दुकानदार

पेडणे : आशालता नाईक, गोविंद गडेकर

सत्तरी : नगरगाव ग्रुप विकास क्रेडिट सोसायटी, सागर शिरोडकर

डिचोली : वन ग्रुप विकास सेवा सोसायटी, सुहानी परब

तिसवाडी : वृंदा नाईक, संदीप भोंसुले

बार्देश : शैलेश म्हांबरे, धुळेर विकास सेवा सोसायटी