Nesai Road Accident 21 Year Old Rider Dies South Goa Hospital

मडगाव: नेसाय येथील कार्बन फॅक्टरीजवळ दोन दुचाकींमध्ये अपघात होऊन गंभीर जखमी झालेला अब्दुल बाशाकद्री या 21 वर्षीय तरुणाचा दक्षिण गोवा जिल्हा रुग्णालयात मृत्यू झाला. या अपघातातील दुसरा दुचाकीस्वार शरद मळकर्णेकर हाही जखमी झाला आहे.

भरधाव दुचाकींचा अपघात

दरम्यान, शुक्रवारी रात्री साडेदहाच्या सुमारास हा अपघात (Accident) झाला. अब्दुल हा मिनेझिस भाट, सां जुझे दी अरियाल येथील रहिवासी आहे. दोन दुचाकींची भर वेगाने धडक झाल्याची माहिती मायणा-कुडतरी पोलिसांनी दिली. उत्तरीय तपासणीनंतर मृतदेह कुटुंबीयांच्या ताब्यात देण्यात आला. पोलिस उपनिरीक्षक सागर कामत याप्रकरणी पुढील तपास करत आहेत.

मडगाव-कारवार रस्त्यावर अपघात

यापूर्वी, मडगाव-कारवार रस्त्यावर शनिवारी सकाळी एका ट्रकचा अपघात झाला होता. हा ट्रक (KA 22 C 9587) कर्नाटकचा होता. ड्रायव्हरचे नियंत्रण सुटल्याने भरधाव ट्रक रस्त्याकडेला असलेल्या झाडावर जाऊन आदळला होता. दरम्यान, या अपघातामुळे या मार्गावरील वाहतूक (Transportation) विस्कळीत झाली होती. अपघातग्रस्त ट्रक रस्त्यातच असल्याने दोन्ही बाजूला वाहनांच्या रांगा लागल्या होत्या. संथगतीने वाहतूक पुढे सरकत होती.