रायगड: मुंबई - गोवा महामार्गावरील अपघाताचे सत्र काही केल्या थांबण्याचे नाव घेत नाही. अपघातात बळी गेल्याप्रकरणी दोन कंत्राटदारांविरोधात सदोष मनुष्यवधाचा गुन्हा दाखल करण्यात असताना, महामार्गावर झालेल्या अपघातात आणखी एकाचा मृत्यू झाला आहे. माणगाव रेल्वे स्थानकाजवळ रात्रीच्या सुमारास हा अपघात झाला.
यज्ञेश उभारे असे या अपघातात मृत झालेल्या तरुणाचे नाव आहे. यज्ञेश माणगाव पंचायत समितीचे माजी सभापती प्रभाकर उभारे यांचा मुलगा आहे.
मिळालेल्या माहितीनुसार, माणगाव रेल्वे स्थानकाजवळ भरधाव वेगाने आलेल्या टेम्पोने यज्ञेश उभारे यांच्या दुचाकीला जोराची धडक दिली. यात जखमी झालेल्या यज्ञेशचा जागीच मृत्यू झाला आहे. रात्रीच्या सुमारास हा अपघात झाला.
यज्ञेश बुलेटवरुन जात असताना भरधाव टेम्पो दुचाकीला जोराची धडक दिली यात त्याचा जागीच मृत्यू झाला. पोलसांनी घटनास्थळी दाखल होत अपघाताची माहिती घेत पंचनामा केला.
मुख्यमंत्री एकनाथ शिंदे यांनी काही दिवसांपूर्वी मुंबई - गोवा महामार्गाची पाहणी केल्यानंतर महामार्गावरील अपघातास जबाबदार व्यक्तींविरोधात गुन्हा दाखल करण्याचे आदेश दिले. त्यानंतर चेतक एंटरप्राइजेस लिमिटेड आणि ॲपको इन्फ्रास्ट्रक्चर लिमिटेड कंपनी या दोन ठेकेदारांविरोधात सदोष मनुष्यवधाचा गुन्हा दाखल करण्यात आला आहे. तर, अभियंता सुजित कावळेला अटक करण्यात आलीय.
दरम्यान, गेल्या चार वर्षात मुंबई-गोवा महामार्गावर लहान मोठे १७० अपघात झाले असून, त्यात ९७ जणांचा बळी गेला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.