Mopa Airport: मोपा आंतरराष्ट्रीय विमानतळावर विमान सेवा गुरुवार दि. 5 जानेवारीपासून सुरू होणार आहे. विमानसेवेसाठी प्रवाशांना ने-आण करण्यासाठी मोठ्या प्रमाणात वाहनांची रहदारी सुरू होणार आहे.

वाहनांची व्यवस्था तसेच रस्त्यावर अपघात होऊ नये, वाहतूक व्यवस्था सुरळीत व्हावी यासाठी सुकेकुळण ते मोपापर्यंतच्या राष्ट्रीय महामार्गाची पाहणी पेडणे मतदारसंघाचे आमदार प्रवीण आर्लेकर यांनी मंगळवारी (ता. 3) रस्ता विभागाचे प्रधान अभियंते आत्माराम गावडे तसेच पेडणे तालुका रस्ता विभागाचे अभियंते लक्ष्मण नाईक यांच्यासोबत केली.

यावेळी वारखंड-नागझरच्या सरपंच गौरी जोसलकर, पेडणे पोलीस निरीक्षक दत्ताराम राऊत, मोपा पोलीस निरीक्षक निनाद देऊलकर, मोपा वाहतूक पोलीस निरीक्षक महेश केरकर, पेडणे वाहतूक पोलीस निरीक्षक विश्वजीत तसेच अन्य अधिकारी उपस्थित होते.

अपघात होण्याची ज्या ठिकाणी शक्यता आहे त्या ठिकाणी रंब्बल घालण्याच्या सूचना आमदार प्रवीण आर्लेकर यांनी दिल्या. पेडणे तालुक्यात या मार्गावर भविष्यात मोठ्या प्रमाणात वाहतुकीची कोंडी होणार आहे. त्यावर सरकारी यंत्रणेने नियंत्रण ठेवून वेळोवेळी लक्ष ठेवावे, असेही आमदार आर्लेकर यांनी अधिकाऱ्यांना दिले.

आमदार प्रवीण आर्लेकर यांनी या रस्त्याच्या बाजूला घरे असल्याने अपघात होण्याची शक्यता आहे त्याठिकाणी दिशादर्शक फलक खास रंब्बल घालावे, अशा सूचना आमदारांनी अधिकाऱ्यांना केली.

सुकेकुळण ते मोपा पठारपर्यंतच्या रस्त्याची पाहणी करून हा रस्ता नव्यानेच राष्ट्रीय महामार्ग म्हणून घोषित केला आहे. त्यामुळे रस्त्यावर वाहतुकीला कुठल्याही प्रकारचा अडथळा होऊ नये याचे सक्त निर्देश अधिकाऱ्यांना दिले.