मतदानाच्‍या पाच राज्‍यांमध्‍ये जारी करण्‍यात आलेल्‍या कोविड-19 लसीकरण प्रमाणपत्रांवर पंतप्रधान नरेंद्र मोदी यांचा फोटो नसेल कारण आचारसंहिता लागू झाली आहे, असे अधिकृत सूत्रांनी दिली आहे. लस प्रमाणपत्रातून मोदींचा फोटो वगळण्यासाठी केंद्रीय आरोग्य मंत्रालय को-विन प्लॅटफॉर्मवर आवश्यक फिल्टर लागू करेल, असे सूत्राने सांगितले.

उत्तर प्रदेश, उत्तराखंड, पंजाब, मणिपूर आणि गोवा या राज्यांतील विधानसभा निवडणुका (Assembly elections) 10 फेब्रुवारी ते 7 मार्च या कालावधीत सात टप्प्यांत होणार असून 10 मार्च रोजी मतमोजणी होईल, अशी घोषणा निवडणूक (Election) आयोगाने शनिवारी केली.

वेळापत्रक जाहीर झाल्यानंतर सरकार, उमेदवार आणि राजकीय पक्षांसाठी आदर्श आचारसंहिता लागू झाली आहे. "आदर्श आचारसंहिता लागू झाल्यामुळे या पाच राज्यांमध्ये लोकांना दिल्या जाणाऱ्या COVID-19 प्रमाणपत्रांमधून पंतप्रधानांचे चित्र वगळण्यासाठी आरोग्य मंत्रालय CoWIN प्लॅटफॉर्मवर आवश्यक फिल्टर लागू करेल."

मार्च 2021 मध्ये, काही राजकीय पक्षांनी केलेल्या तक्रारींनंतर निवडणूक आयोगाने (Election Commission) सुचविल्यानुसार आरोग्य मंत्रालयाने आसाम, केरळ, तामिळनाडू, पश्चिम बंगाल आणि पुद्दुचेरी येथे झालेल्या मतदानादरम्यान असाच पुढाकार घेतला होता.