Minister Subhash Phaldesai Dainik Gomantak
गोवा

Subhash Phaldesai: गोव्यातील 'आयआयटी'साठी जागा ठरली! महिनाअखेरपर्यंत मुख्यमंत्री करणार घोषणा...

सांगेचे आमदार, मंत्री सुभाष फळदेसाई यांची माहिती

Akshay Nirmale

Subhash Phaldesai on land for IIT in Sanguem: गेल्या काही काळापासून गोव्यात आयआयटीसाठी जमिन देण्यावरून राज्य सरकार आणि स्थानिक नागरीकांमध्ये संघर्ष सुरू होता. तथापि, आता गोव्यात होणाऱ्या या आयआयटीची जागा ठरली असून त्यासाठी 10 लाख चौरस मीटर जमिन देखील निश्चित्त करण्यात आली आहे.

सांगे तालुक्यात आयआयटी होणार आहे. तथापि, त्यासाठी पूर्वी निश्चित्त केलेल्या जमिनीला स्थानिकांनी विरोध केला होता. त्यामुळे संघर्षाची परिस्थिती निर्माण झाली होती. तथापि, सांगे तालुक्यातच आयआयटी होणार हे सरकारकडून ठामपणे सांगण्यात येत होते.

सांगे तालुक्यातीलच नवीन जागा यासाठी निश्चित्त करण्यात आली आहे. सुमारे 10 लाख चौरस मीटर इतकी ही जागा आहे. याबाबतची घोषणा या महिन्यातच मुख्यमंत्री डॉ. प्रमोद सावंत हे करतील, अशी माहिती, आमदार आणि समाजकल्याण मंत्री सुभाष फळदेसाई यांनी दिली आहे.

हा महिना संपायला अवघे चार दिवस बाकी आहेत. त्यामुळे लवकरच आयआयटीबाबतची घोषणा गोमंतकीयांच्या कानी पडू शकते. स्थानिकांच्या विरोधामुळे आधीच या प्रकल्पाला विलंब होत चालला आहे.

याच महिन्यात मंत्री फळदेसाई यांनी पुढील तीन महिन्यांमध्ये आयआयटीच्या कामाला सुरवात होणार असल्याचे सांगितले होते. मात्र तेव्हा त्यांनी जागा कुठे असेल, हे स्पष्ट केलेले नव्हते.

रिवण गावातील जागेची पाहणी करून निर्णय घेणार असल्याचे त्यांनी सांगितले होते. तसेच काणकोणमधील एक जागाही तज्ज्ञांना दाखवणार असल्याचे त्यांनी म्हटले होते.

किमान सहा लाख चौरस मीटर जागा, रस्ते, पाणी, वीज पुरवठा या सोयी असल्या पाहिजेत, याचा विचार करून जागा निश्चित्त करण्यात येणार असल्याचे मंत्री फळदेसाई यांनी सांगितले होते.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Super Cup: सुपर कपचा बिगुल! 25 ऑक्टोबरपासून रंगणार थरार; FC Goa समोर विजेतेपद राखण्याचे खडतर आव्हान

Goa Taxi: 'टॅक्‍सी ॲग्रीगेटर जबरदस्तीने लादणार नाही'! गुदिन्‍होंची हमी; सरकारकडे सुमारे 3500 सूचना, हरकती

Panaji: ‘बोर्डवॉक’ची पणजी महानगरपालिका दुरुस्ती करणार? 2 वर्षांपासून दुर्दशा; धोका असूनही नागरिकांचा वावर

Chandel Hasapur: सरपंचालाच मिळाली सरकारी नोकरी, पदासह दिला पंच सदस्यत्वाचा राजीनामा; चांदेल हसापूरमध्ये रंगणार रस्सीखेच

Goa ITI: ‘आयटीआय’ करणाऱ्यांसाठी खूशखबर! 2 वर्षांच्‍या कोर्सनंतर मिळणार दहावी, बारावी उत्तीर्ण प्रमाणपत्र; मुख्‍यमंत्र्यांची घोषणा

SCROLL FOR NEXT