Goa Monsoon 2023: राजस्थानातून मॉन्सूनने परतीला एक आठवडा उशिराने सुरवात केलेली असली तरीही 28 सप्टेंबरपर्यंत गोव्यासह कर्नाटक, महाराष्ट्राचा कोकण भाग, बिहार येथे मुसळधार पावसाचा अंदाज भारतीय हवामान विभागाने वर्तवला आहे.
मॉन्सूनच्या परतण्यास सुरवात झालेली असल्याने वायव्य भारत आणि लगतच्या पश्चिम-मध्ये भागात पावसाचा जोर कमी होणार आहे. तथापि, 28 सप्टेंबरपर्यंत विविध राज्यात पाऊस झोडपू शकतो.
त्यात बिहारमध्ये तर 25 सप्टेंबर रोजीदेखील मुसळधार पावसाचा अंदाज वर्तवण्यात आला आहे. तसेच 25 ते 28 सप्टेंबर या काळात अंदमान निकोबार बेटे, कर्नाटक किनारपट्टी, महाराष्ट्र किनारपट्टी, गोवा येथे मुसळधार पाऊस पडू शकतो.
27 सप्टेंबरला मराठवाड्यात, 27 आणि 28 सप्टेंबरला मध्य महाराष्ट्रात आणि 28 सप्टेंबरला कोकण आणि गोव्यात जोरदार पाऊस होईल. तर
30 सप्टेंबरपर्यंत बंगालच्या उपसागरात कमी दाबाचे क्षेत्र निर्माण होणार आहे. ते पुढे वायव्येकडे सरकत येईल. दरम्यान, देशात 30 सप्टेंबरपर्यंत मॉन्सूनचा हंगाम संपुष्टात येईल, असे आयएमडीने म्हटले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
