Christmas Day 2022: कोरोनाच्या संकटानंतर दोन वर्षांनी होत असलेल्या नाताळ सणाचा उत्साह संपूर्ण गोव्यात पाहायला मिळाला. यशू जन्मानिमित्त राज्यात ठिकठिकाणी मध्यरात्री चर्चमध्ये मास पार पडले. पणजी, ओल्ड गोवा, मडगाव, म्हापसा, कळंगुटसह विविध ठिकाणी विविधरंगी रोषणाई केली आहे. ठिकठिकाणी मॉल्स, हॉटेल्स, बाजारपेठा सजल्या असून, नागरिकांचीही गर्दी पाहायला मिळाली.

पणजी येथील मेरी 'मेरी इमॅक्युलेट' चर्चमध्ये नागरिकांनी माससाठी मोठी गर्दी केली होती. येशू जन्माचे स्वागत करण्यासाठी गोठा सजविण्यात आला आहे. तसेच, चर्च परिसरात विद्युत रोषणाई करण्यात आली आहे.

पणजी येथील मेरी इमॅक्युलेट चर्च परिसरात नाताळनिमित्त नागरिकांनी शनिवारी मोठ्या प्रमाणात गर्दी केली होती. हा संपूर्ण परिसर नेत्रदीपक रोषणाईने उजळला आहे.

दाबोळी विमानतळावर देखील नाताळच्या पार्श्वभूमीवर ख्रिसमस ट्री उभारून सजावट करण्यात आली आहे. विमानतळाच्या अंतर्गत भागात विविधरंगी रोषणाई करण्यात आली आहे.