काल राज्यात काँग्रेस नेते राहुल गांधी यांच्या उपस्थितीत काँग्रेस उमेदवार आणि गोवा फॉरवर्डच्या उमेदवारांना शपथ देण्यात आली आहे. यावरून राज्यातील इतर विरोधी पक्षांनी टीकेची झोड उठवली आहे. याला प्रत्युत्तर देत काँग्रेस (Congress) नेते मायकल लोबो (Michael Lobo) म्हणतात की लोकांमध्ये आत्मविश्वास निर्माण करण्यासाठी उमेदवारांच्या प्रतिज्ञापत्रावर स्वाक्षऱ्या घेणे गरजेचे आहे. तसेच निवडून आल्यानंतर पक्षाच्या तत्त्वांचे पालन करतील आणि पक्षाशी एकनिष्ट राहतील.

तसेच काँग्रेस पुढील सरकार स्थापनेबाबत गंभीर असल्याचा संदेश जनतेमध्ये जातो. पक्षाच्या चिन्हावर निवडून आल्यानंतर पक्ष सोडून गेलेल्या माजी काँग्रेसजनांवर लोक नाराज आहेत. गेल्या टर्ममध्ये मुख्यमंत्रिपदासाठी पाच जन इच्छुक असल्यामुळे ते निघून गेले, ज्यामुळे निर्णय घेण्यास विलंब झाला आणि शेवटी काँग्रेसने सरकार (Government) स्थापन करण्याची संधी गमावली. त्यामुळे यावेळी असे होणार नाही यासाठी आधीच प्रतिज्ञापत्रावर स्वाक्षऱ्या घेण्यात आल्या आहेत.