'राहुल गांधी पर्यटक म्हणून सुट्टीवर, त्यांना कोणीही गांभीर्याने घेत नाही'

काल राज्यात काँग्रेस नेते राहुल गांधी यांच्या उपस्थितीत काँग्रेस उमेदवार आणि गोवा फॉरवर्डच्या उमेदवारांना शपथ देण्यात आली आहे. यावरून राज्यातील इतर विरोधी पक्षांनी टीकेची झोड उठवली आहे. भाजपा नेते प्रमोद सावंत यांनी देखील राहुल गांधींचा खरपूस समाचार घेतला आहे. यावेळी बोलताना ते म्हणाले की, काँग्रेस (Congress) उमेदवारांना वेळोवेळी सिद्ध करावे लागत आहे की ते काँग्रेसशी एकनिष्ठ आहेत. जे देवासमोर करायला हवे होते ते आता राहुल गांधींसमोर (Rahul Gandhi) करावे लागत आहे. लोकांचा विश्वास भाजपवर आहे आणि भाजपला (BJP) जनतेचा पाठिंबा आहे.

दरम्यान, राहुल गांधी येथे पर्यटक म्हणून सुट्टीवर आले आहेत. त्यांना गोव्याचा हा सर्व विकास दिसत नसेल तर तर काय पाहत आहेत हे मला समजत नाही. राहुल गांधी यांना कोणीही गांभीर्याने घेत नाही, अशी टीका गोव्याचे मुख्यमंत्री प्रमोद सावंत (Pramod Sawant) यांनी काँग्रेस नेते राहुल गांधी यांच्या गोवा दौऱ्यावरच्या पार्श्वभूमीवर केली आहे.