मडगाव: Margao, Ponda या दोन्ही शहराचा बाह्य विकास आराखड्या (ओडीपी) बद्दल लोकांना अधिक सूचना आणि हरकती मांडता याव्यात, लोकांच्या सूचना ऐकाव्यात यासाठी हा आराखडा आणखी एक महिना खुला ठेवावा असा निर्णय आज झालेल्या एसजीपीडीए बैठकीत घेण्यात आला.

(Margao, Ponda external development project request extension for objection)

प्राधिकरणाचे अध्यक्ष कृष्णा साळकर यांनी ही माहिती दिली. ही मुदत वाढवून द्यावी यासाठी प्राधिकरण लवकरच सरकारला पत्र लिहिणार असल्याचे त्यांनी सांगितले.

आजच्या बैठकीत होलसेल मासळी मार्केटबद्दल निर्णय घेण्यात आला. हे मार्केट जलदगतीने बांधून पूर्ण व्हावे यासाठी ही निर्णय घेण्यात आला. या मार्केटच्या एका वर्षाच्या कालावधीसाठी पर्यायी जागा पाहण्याचा निर्णय घेण्यात आला. किरकोळ मार्केटच्या वीज बिल थकबाकी संदर्भात 28 लाख एकरकमी भरून हा विषय संपविण्याचा निर्णयही यावेळी घेण्यात आला.