पणजी: राज्यात ‘ऑक्टोबर हीट’चा तडाखा वाढत असतानाच म्हापशातील तापमानाने मंगळवारी दुपारी २.२९ वाजता तब्बल ४१.४ अंश सेल्सिअसचा टप्पा गाठल्याचा दावा संशोधक डॉ. नंदकुमार कामत यांनी केला आहे. हा विक्रमी उच्चांक असल्याचे नमूद करत त्यांनी स्थानिक पातळीवरील तापमानाच्या नोंदींकडे सरकारी यंत्रणांचे दुर्लक्ष होत असल्याचा आरोप केला आहे.
गेल्या काही दिवसांपासून डॉ. कामत म्हापशातील तापमानाची माहिती ‘व्हॉट्सॲप’च्या माध्यमातून आपल्या निकटवर्तीयांपर्यंत पोहोचवत आहेत. तापमानातील बदलांविषयीही ते सावध करत आहेत. सोमवारीही म्हापशात सर्वाधिक तापमानाची नोंद होण्याची शक्यता त्यांनी संदेशाद्वारे व्यक्त केली होती.
राज्यातील नागरिकांना वाढत्या उष्णतेचा सामना करावा लागत असताना, त्यांच्या संरक्षणासाठी जबाबदार यंत्रणांकडून शहरनिहाय तापमानाच्या अचूक नोंदी ठेवण्याकडे पुरेसे लक्ष दिले जात नसल्याचे त्यांनी म्हटले आहे. पणजी आणि मुरगाव येथील हवामानविषयक आकडेवारीवरच सरकारी यंत्रणांचे लक्ष केंद्रित असल्याने म्हापशासारख्या शहरांतील नागरिकांच्या उष्णतेविषयक समस्यांकडे दुर्लक्ष होत असल्याचे मत त्यांनी व्यक्त केले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.