पणजी: राज्याचं राजकारण पुन्हा एकदा सोशल मीडियावरील पोस्टमुळे तापल्याचं चित्र आहे. रिव्होल्युशनरी गोवन्स (RGP) पक्षाचे अध्यक्ष मनोज परब यांनी थेट काँग्रेसवर जोरदार हल्ला चढवला आहे. परब यांनी फेसबुकवर एक पोस्ट करत काँग्रेस समर्थकांवर आपल्या वडिलांचे बनावट पोस्ट तयार करून व्हायरल केल्याचा आरोप करत टिका केलीय.

फेसबुक आणि व्हॉट्सअ‍ॅप ग्रुपवर काँग्रेस समर्थक बनावट पोस्टर पसरवत असल्याचा आरोप करत त्यांनी संताप व्यक्त केला.“बनावट पोस्टर्स तुमच्या काही उपयोगाचे नाहीत. दुसरे काहीतरी करून पाहा. माझ्या वडिलांना या घाणेरड्या राजकारणात ओढू नका,” अशा शब्दांत त्यांनी फेसबुक पोस्टद्वारे काँग्रेसवर टीका केलीय.

मनोज परब यांनी आरोप केला की, काँग्रेस समर्थक फेसबुक आणि व्हॉट्सअ‍ॅप ग्रुप ग्रुप्सवर बनावट पोस्टर्स पसरवत आहेत. हा अत्यंत लाजीरवाणा प्रकार आहे. बनावट पोस्टर्स तुमच्या काही उपयोगाचे नाहीत. दुसरे काहीतरी करून पाहा. माझ्या वडिलांना या घाणेरड्या राजकारणात ओढू नका," अशी पोस्ट करत मनोज परब यांनी काँग्रेसवर निशाणा साधला आहे.

या प्रकरणी सोशल मीडियावरून राजकीय वातावरण तापले असून, दोन्ही पक्षांत शाब्दिक चकमकी सुरू आहेत. परब यांच्या फेसबुक पोस्टमुळे आता या प्रकरणाला आणखी राजकीय वळण मिळण्याची शक्यता आहे.