Theft of Liquor : गोव्यात गुन्ह्यांच्या घटनेत कमालीची वाढ झालेली दिसून आली आहे. यामध्ये प्रामुख्याने चोरीच्या घटना दिवसेंदिवस वाढतच आहेत. नुकत्याच मिळालेल्या माहितीनुसार गोव्यात दारूच्या बाटल्या चोरण्याचा प्रकार उघडकीस आला असून हा प्रकार दुकानांच्या सीसीटीव्हीमध्ये कैद झाला आहे.

एक माणूस दोन वेगवेगळ्या दारूच्या दुकानात जाऊन दुकानदाराचे लक्ष नसताना अगदी शिताफीने दारूच्या बाटल्या चोरताना दिसत आहे. दुकानदाराच्या लक्षात येणार नाही याची तो काळजी घेत त्याला बोलण्यात गुंतवून तो चोरी करत आहे.

असे प्रकार गोव्यात वाढतच आहेत. याबद्दल योग्य ती कारवाई करण्याची मागणी नागरिक करत आहेत.

दरम्यान, काही दिवसांपूर्वी असाच एक प्रकार उघडकीस आला. मोरजीतील एका वाईन स्टोअरजवळ लावण्यात आलेली दुचाकी चोरीला गेली असून चोरीचा हा प्रकार येथील सीसीटीव्ही कॅमेऱ्यात कैद झाला आहे. रस्त्याजवळ कोणी नसल्याचा फायदा घेत या चोराने ही चोरी केली. पेडणे पोलिस ठाण्यात गुन्हा दाखल झाला असून पुढील तपास पोलिस करत आहेत.