Water Shortage in Bardez: कालवा दुरूस्तीच्या कामामुळे अस्नोडा व पर्वरी जलशुध्दीकरण प्रकल्पांना तिलारी धरणातून सोडण्यात येणारा कच्च्या पाण्याचा पुरवठा बंद करण्यात आला आहे. यामुळे हा पुरवठा पूर्वरत होई पर्यंत बार्देश तालुक्यात मर्यादीत पाणी पुरवठा असणार आहे.

सोमवारी 13 नोव्हेंबर रोजी पासून तिलारी धरण जलसिंचन विभागाकडून धरणाच्या नादुरूस्त झालेल्या कालव्यांचे दुरूस्ती काम हाती घेतले आहे. यामुळे तिलारीच्या पाण्यावर अवलंबून असणार अस्नोडा व पर्वरी जलशुध्दीकरण प्रकल्पाला कच्च्या पाण्याचा पुरवठा बंद झाला आहे.

सध्या सरकारच्या जलस्त्रोत खात्यातर्फे आमठाणे धरणाचे पाणी अस्नोडा जलशुध्दीकरण प्रकल्पाला देण्यात आले आहे. पण पर्वरी जलशुध्दीकरण प्रकल्प पुर्णता तिलारीच्या पाण्यावर अवलंबून असल्यामुळे या प्रकल्पावर परिणाम होणार आहे.

कच्च्या पाण्याच्या कमतेरतेमुळे साबांखाच्या पाणी पुरवठा विभागाने या तालुक्यात तिलारीचा पाणी पुरवठा पुर्वरत होई, पर्यंत सोमवार दि. 13 पासून बार्देश तालुक्याला मर्यादीत पाणी पुरवठा होईल तसेच पाणी पुरवठ्याच्या वेळापत्रकात बदल होणार असल्याची सार्वजनिक सूचना जारी केली आहे.