Leopard Dainik Gomantak
गोवा

Leopard Caught: लोकवस्तीत येऊन कुत्र्यांचा, पाडसांचा फडशा पाडणारा बिबट्या जेरबंद! वनखात्याच्या प्रयत्नांना अखेर यश

Leopard Attack: लोकवस्तीत येऊन कुत्र्यांचा तसेच गायी, म्हशींच्या पाडसांचा फडशा पाडणारा बिबट्या वन खात्याने लावलेल्या पिंजऱ्यात अडकला. फडशा पाडून त्याने दहशत निर्माण केली होती.

Sameer Panditrao

पेडणे: तुये गावातील विविध भागात रात्रीच्यावेळी लोकवस्तीत येऊन कुत्र्यांचा तसेच गायी, म्हशींच्या पाडसांचा फडशा पाडणारा बिबट्या काल (३ रोजी) मध्यरात्री वन खात्याने लावलेल्या पिंजऱ्यात अडकला. गेले काही दिवस पाळीव कुत्र्यांचा तसेच पाडसांचा फडशा पाडून परिसरात त्याने दहशत निर्माण केली होती.

या बिबट्याचा बंदोबस्त करण्यात यावा अशी मागणी मांद्रेचे आमदार जीत आरोलकर यांच्याकडे केली होती. वन खात्याने काही ठिकाणी या बिबट्याला पकडण्यासाठी सापळे लावले होते, पण त्याला प्रतिसाद मिळत नव्हता. मात्र, काल रात्री हा बिबटा पिंजऱ्यात अडकला. बिबट्याची रवानगी बोंडला येथील अभयारण्यात करण्यात येणार आहे.

वन खात्याने बिबट्याला सापळ्यात पकडल्याबद्दल आमदार जीत आरोलकर यांनी समाधान व्यक्त करताना सांगितले, की गोव्यात सर्वत्र बिगर गोमंतकीय बिबट्यांचे प्रमाण वाढले आहे.

त्यांनी आपली दहशत सुरू केलेली आहे. खरी चूक आमचीच आहे. आम्ही जर डोंगर राने विकत राहिलो आणि ते नष्ट करीत राहिलो, तर रानातल्या या प्राण्यांनी रहायचे कुठे आणि खायचे काय?

डोंगर, राने वाचवा; आरोलकर

डोंगर नष्ट होत असल्याने हे प्राणी लोकवस्तीत येत आहेत. यासाठी आम्ही वन खाते किंवा आणि कुणाला दोष देऊ शकत नाही. सध्या हे बिबटे कुत्रे, गुरांना येऊन खातात. कुत्रे, गुरे खाऊन संपल्यानंतर ते माणसांना खाऊ लागतील. यासंबंधीचा प्रश्न मी विधानसभेत उपस्थित केला होता. निदान आता उरलेसुरले डोंगर, राने वाचवण्यासाठी आम्ही प्रयत्न केले पाहिजे, असे आमदार जीत आरोलकर यांनी सांगितले.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Bambolim Cancer Centre: ''बांबोळीचे कॅन्सर सेंटर निवडणुकीच्या आधी तयार होणार'' आरोग्यमंत्र्यांचा दावा!

Shreyas Iyer Captain: आशिया कपपूर्वी श्रेयस अय्यरकडे कर्णधारपद, भारताचा संघ जाहीर

Cuncolim Fish-Meal Plant: कुंकळ्ळीतील प्रदूषणाबाबत आलेमाव यांचं मुख्यमंत्र्यांसह उद्योगमंत्र्यांना पत्र, नव्या फिश मिल प्लांटची परवानगी रद्द करण्याची केली मागणी

Asia Cup 2025: यूएईमध्ये कसा आहे टीम इंडियाचा रेकॉर्ड? आशिया कपपूर्वी जाणून घ्या दुबई-अबू धाबीतील आकडेवारी

Margao: कचऱ्यावर प्रक्रियेसाठी सोनसड्यावर उभा राहणार गॅसिफिकेशन प्रकल्‍प; साडेसात कोटी रुपये खर्च, नगरसेवकांकडून स्वागत

SCROLL FOR NEXT