म्हापसा : कामरखाजन, म्हापसा येथे रोड-रेजवरून कार आडवी घालून महामार्ग अडवून आणि तक्रारदारांच्या कारचा आरसा तोडण्याचा प्रकार घडला होता. याप्रकरणी म्हापसा पोलिसांनी संबंधित संशयित कार चालकाविरुध्द गुन्हा नोंद केला.

ही घटना रविवारी (ता.११) रोजी रात्री ९.३० च्या सुमारास घडली. याप्रकरणी निवेजय हळदणकर (पोंबुर्फा) यांनी पोलिसांत तक्रार नोंदवली आहे. फिर्यादी घटनेच्यावेळी बस्तोडाहून कोलवाळच्या दिशेने आपल्या जीए ०३ एएफ ७०५३ क्रमांकाच्या कारने राष्ट्रीय महामार्गावरून जात होता.

तर त्याच दिशेने भरधाव संशयित आरोपी हा जीए ०६ ई ८९५६ क्रमांकाच्या लाल रंगाच्या ‘इनोव्हा’ने जात होता. संशयित आरोपीने बेदरकारपणे आपले वाहन चालवल्यामुळे मानवी जिवाला धोका निर्माण झाला.

यावेळी फिर्यादींनी संशयिताला चालत्या कारमधूनच जाब विचारण्याचा प्रयत्न केला, तेव्हा संशयिताने घटनास्थळी जाऊन फिर्यादींच्या गाडीसमोर कार आडवी घालून त्यांना अडवले होते.