Goa Drug Case:

आगामी लोकसभा निवडणूकीच्या पार्श्वभूमीवर राज्यात आचारसंहिता लागू झालेली आहे. दरम्यान, कडेकोट बंदोबस्त असून, गुन्हे शाखेने इराणी नागरिकाकडून 12.65 लाख रुपयांचे ड्रग्ज तसेच रोकड जप्त केली आहे. या आरोपीला अटक करण्यात आलेली असून

गुन्हे शाखा गोवा रायबंदरचे पीआय लक्षी आमोणकर यांच्या नेतृत्वाखाली गुन्हे शाखा पीएस, तसेच रायबंदरच्या कर्मचाऱ्यांसह हणजूणे येथे अंमली पदार्थांवर छापा टाकत आरोपी हमीद ज़ा घोलम याला रंगेहात पकडले.

आरोपी व्यक्तीकडून 258 ग्रॅम गांजा, 52.190 ग्रॅम चरस, 4.110 ग्रॅम MDMA, 2.470 ग्रॅम एमडीएमए, तसेच 41 300 ची रोख रक्कम एक आयफोन मोबाईल जप्त करण्यात आले आहे. दरम्यान, कायदा, 1985 चे 22 (b), 20 (b) (II) (A) अंतर्गत आरोपींना अटक करण्यात आली आहे.

परदेशी कायद्याच्या उल्लंघनाबाबत स्वतंत्र गुन्हा नोंदवला जाईल. अशी माहिती समोर आली असून पुढील तपास सुरू आहे.

दिवसभरातील दुसरी घटना

हरमल येथे नऊ लाखांच्या अमली पदार्थांसह इस्रायली नागरिकाला अटक करण्यात आली. मांद्रे पोलिसांना मिळालेल्या गुप्त माहितीच्या आधारे शनिवारी (दि. 23 मार्च) ही कारवाई करण्यात आली. पोलिसांनी त्याच्याकडून 136 ग्रॅम सुखलेल्या अळंबी ज्यात अमली पदार्थ सायलोसायबिन, 132 ग्रॅम सायलोसिबिनची पावडर व 140 ग्रॅम गांजा जप्त केला आहे.