डिचोली: मुर्डीवाडा-नार्वे येथील मांडवी नदीत (Mandvi River) एका अज्ञात युवकाचा कुजलेल्या अवस्थेतील मृतदेह आढळून आला. हा घात की आत्मघात त्याचा अद्याप उलगडा झालेला नाही. या युवकाची (Youth) अद्याप ओळख पटली नसल्याची माहिती मिळाली असून, डिचोली (Bicholim) पोलिस अधिक तपास करीत आहेत. (In The Mandvi River The Body Of An Unknown Youth Was Found)

डिचोली पोलिसांनी (Police) या घटनेची माहिती अग्निशामक दलाला देताच दलाचे अधिकारी श्रीपाद गावस यांच्या मार्गदर्शनाखाली दलाच्या जवानांनी घटनास्थळी धाव घेतली. लिडींग फायर फायटर प्रल्हाद देसाई यांच्या नेतृत्वाखाली शैलेश साळकर (Driver-operator), रावजीराव राणे, जितेश नाईक आणि संदीप गावस या दलाच्या जवानांनी तेथीलच होडीचा वापर करून मृतदेह नदीतून बाहेर काढला. पोलिसांनी पंचनामा करून मृतदेह उत्तरीय तपासणीसाठी बांबोळी येथे पाठवला.