गोव्यात मागील काही दिवसांपासून पावसाने उसंत घेतली आहे. येत्या रविवारी (दि.24) गोव्यात हवामान खात्याने (IMD Goa) येलो अलर्ट (Yellow Alert) जारी केला असून, नागरिकांना सतर्कतेचा इशारा देण्यात आला आहे. रविवारी राज्यात पावसाचा जोर वाढण्याची शक्यता असल्याचे हवामान खात्याने म्हटले आहे.

हवामान खात्याच्या दैनंदिन अहवालानुसार 22, 23, 25 आणि 26 जुलैला काही ठिकाणी हलका ते मध्यम स्वरूपाच्या पावसाची शक्यता आहे. तर, 24 जुलै रोजी पावसाचा जोर अधिक असण्याची शक्यता हवामान खात्याने वर्तवली आहे. उत्तर, दक्षिण गोवा दोन्ही जिल्ह्यात पावसाचा जोर दिसून येईल. मच्छिमारांना समुद्रात न जाण्याचा इशारा देखील हवामान खात्याने दिला आहे.

दरम्यान, जूनचा पूर्वाधात आणि जुलैच्या सुरवातीपासून गोव्यात पावासाचा जोर अधिक होता. पण, मागील काही दिवसांपासून राज्यातील पावसाचा जोर ओसरला आहे.