पेडणे तालुक्यातील पत्रादेवी चेकनाक्यावर आज (बुधवारी) सकाळी पेडणे अबकारी कार्यालयातील अधिकाऱ्यांनी गोव्यातून मुंबईच्या दिशेने जाणाऱ्या नॅशनल परमिट ट्रकची झडती घेतली असता ४२ लाख ६३ हजार रुपयांची बेकायदा दारू सापडली. हा मद्यसाठा आणि ट्रक असा एकूण ८१ लाख रुपयांचा मुद्देमाल जप्त करण्यात आला.
मिळालेल्या माहितीनुसार, पत्रादेवी चेकनाक्यावर आज सकाळी एक ट्रक (एमएच ४० सीडी १८०१) ट्रक आला. ड्युटीवरील अबकारी अधिकाऱ्यांनी या ट्रकची तपासणी केली असता त्यात बेकायदा मद्यसाठा आढळून आला.
जप्त केलेल्या दारूमध्ये व्होडका प्रत्येकी १२ बाटल्यांच्या नगाप्रमाणे ४४० पेट्या (किंमत ३१ लाख ६८ हजार), व्होडका लहान आकाराच्या प्रत्येकी १८० पेट्या (किंमत ६ लाख ४८ हजार), किंगफिशर बीअरच्चा १४ पेट्या
(किंमत ३ लाख ४५ हजार), टुबर्ग बीअर ५० पेट्या (किंमत १ लाख २ हजार) असा समावेश होता. तसेच या दारूची वाहतूक करणारा ट्रकही जप्त घेण्यात आला आहे.
ट्रकचालक धर्मेंद्र अरीवार याला ताब्यात घेण्यात आले असून उत्तर गोवा अबकारी सुप्रीडेंट महेश कोरगावकर, कमिशनर अंकिता मिश्रा यांच्या मार्गदर्शनाखाली पेडणे अबकारी कार्यालयाचे निरीक्षक राजेश नाईक, उपनिरीक्षक वासुदेव गावस, महेश गावकर, भारत पागी, रुपेश रेडकर, विनित धोंड, आशिष फर्नांडिस यांनी ही कारवाई केली. अधिक तपास सुरू आहे.
पत्रादेवी चेकनाक्यावर वाहनांची कडक तपासणी करण्यात येत आहे. गोव्यातून परराज्यांत जाणाऱ्या वाहनांवर आमची कड़क नजर आहे. यापुढेसुद्धा ही मोहीम अशीच सुरू राहील आणि दोषींवर कडक कारवाई केली जाईल, अशी माहिती पेडणे अबकारी कार्यालयाचे निरीक्षक राजेश नाईक यांनी दिली.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.