पणजी: गोवा सरकारने काल ‘रेनवॉटर हार्वेस्टिंग धोरण 2022’ अधिसूचित केले असून त्यासाठी 50 टक्के अनुदान मिळणार आहे. धोरणांतर्गत पावसाचे पाणी साठविणे, भूजलाचे पुनर्भरण करणे आणि जल व्यवस्थापन तंत्रज्ञानाचा वापर केला जाणार असल्याचे स्पष्ट केले आहे.

(Rainwater harvesting In Goa)

धोरणानुसार दोन हजार चौरस मीटर आणि जास्त क्षेत्रफळावरील निवासी संकुलांसाठी ते अनिवार्य आहे. दीड हजार चौरस मीटर आणि जास्त क्षेत्रफळाच्या भूखंडावरील व्यावसायिक संकुल आणि दहा हजार चौरस मीटर आणि जास्त क्षेत्रफळावरील औद्योगिक युनिट्स, तसेच सर्व सरकारी इमारती

आणि सरकारी शाळा व महाविद्यालयांत रेन वॉटर हार्वेस्टिंग हाती घेणे आवश्‍यक असल्याचे धोरण स्पष्ट केले आहे. धोरणात प्रत्येक प्रकारच्या इमारती किंवा घरासाठी प्रतिपूर्ती आधारावर अनुदानदेखील निर्दिष्ट केले आहे.

1 वैयक्तिक कुटुंबांसाठी किंवा निवासी घरांसाठी रेन वॉटर हार्वेस्टिंग सिस्टीम समाविष्ट करण्यासाठी लागणाऱ्या खर्चाच्या 50 टक्केपर्यंत अनुदान किंवा एक लाख रुपये यापैकी जे कमी असेल ते दिले जाईल.

2 निवासी संकुले, इमारती, खासगी गृहनिर्माण संस्था, खासगी शाळा, महाविद्यालय यांच्यासाठी खर्चाच्या 50 टक्केपर्यंत किंवा पाच लाख रुपये, यापैकी जे कमी असेल ते प्रदान केले जाईल.