चोर्ला घाटातील अपघातांचे (Chorla Ghat Accident) सत्र सुरूच असून, चोर्ला घाटात रात्री महाराष्ट्रातील एका कारचा भीषण अपघात झाला आहे. या अपघातात दोघांचा जागीच मृत्यू झाला असून, चारजण जखमी झाले आहेत. चोर्ला घाटातील खोल दरीत कार कोसळल्याने हा अपघात झाला. गुरूवारी (दि.01) रात्री साडे दहा वाजता ही घटना घडली.
(Two Died in Car Accident at Chorla Ghat, Goa)
मिळालेल्या माहितीनुसार, महाराष्ट्रातील अर्टिगा कारचा (MH-48-BT- 5968) चोर्ला घाटात रात्री साडे दहा वाजता भीषण अपघात झाला. यामध्ये नूर शेख आणि सुधीर कुमार (दोघेही रा. महाराष्ट्र) या दोघांचा जागीच मृत्यू झाला असून, इतर चारजण जखमी झाले आहेत. वाळपई अग्निशमन दलाच्या जवानांनी घटनास्थळी धाव घेत जखमींना बाहेर काढले आहे. जखमींना उपचारासाठी रूग्णालयात दाखल केल्याची माहिती मिळत आहे.
चोर्ला घाटात अपघातांचे सत्र काही केल्या थांबेना. अपघातांच्या विविध घटनांमुळे हा घाट मृत्यूचा सापळा बनत चालला आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.