Accident in Bardez: राज्यात अपघातांची मालिका सुरूच आहे. दिवसागणिक वाढत चाललेले अपघात चिंतेचे कारण बनले आहे. आज सकाळी (रविवार) बार्देशमध्ये हीट अँड रनची एक घटना समोर आली आहे.

वेर्ला-बार्देशमध्ये सकाळी स्कॉर्पिओ कारने एका दुचाकीस्वाराला जोरदार धडक दिली आणि सुमारे दीडशे मीटरपर्यंत फरफटत नेले. यामध्ये दुचाकीस्वार गंभीर जखमी झाला असून त्याला उपचारासाठी रुग्णालयात दाखल करण्यात आले.

सूत्रांनी दिलेल्या माहितीनुसार, या प्रकरणाची पोलीस तक्रार नोंदवण्यात आली नाही. दुचाकीस्वार आणि कारचालकाने आपापसात समजुतीने हे प्रकरण मिटवले.

दुचाकीस्वाराची प्रकृती सध्या स्थिर आहे.