गोवा पर्यटन विकास महामंडळातर्फे (Goa Tourism) तांबडी सुर्ल येथील धबधबा परिसरात ट्रेकिंग मोहिमेचे आयोजन करण्यात आले होते. या ट्रेकिंग मोहिमेची पहिली बॅच आज रवाना झाली. पर्यटन विकास महामंडळचे चेअरमन डॉ. गणेश गांवकर यांनी झेंडा फडकवुन सुरुवात करण्यात आली.

या मोहिमेत तांबडी सुर्ल (tambdi surla) येथील शिव मंदीरालाही भेट देण्याची संधी सहभागींना मिळणार आहे.

आमदार डॉ. गांवकर म्हणाले की, मंत्रमुग्ध करणाऱ्या निसर्गाचे आशीर्वाद आम्हाला लाभले आहेत. अशा उपक्रमांमुळे केवळ पर्यटनाला चालना मिळणार नाही तर स्थानिक लोकांना आणि त्यांच्या छोट्या व्यवसायांना रोजगार निर्माण होण्यास मदत होईल.

यावेळी त्यांच्या सोबत जीटीडिसीचे व्यवस्थापकीय संचालक ब्रिजेश मणेरकर, लक्ष्मीकांत वायगंणकर, अनिल दलाल, आरएफओ सिद्धेश नाईक, संजना व्ही.पी आणि जीटीडिसीचे अधिकारी यावेळी उपस्थित होते.