गोव्यात अपघातांची मालिका सुरुच असून, गिरी म्हापसा येथे बुधवारी सकाळी नऊच्या सुमारास मालवाहू ट्रक उड्डाण पुलावरून थेट खाली कोसळला. यात एका कामगाराचा मृत्यू झाला असून, एकजण जखमी झाले आहेत.
अपघातानंतर पोलिस तात्काळ घटनास्थळी दाखल होत त्यांनी तपासाला सुरुवात केली.
अपघात एवढा भीषण होता की ट्रक थेट उड्डाण पुलावरुन खाली कोसळला व ट्रक पूर्णत: पलटी झाल्याचे दिसून येत आहे. ट्रकचे स्टिअरिंग लॉक झाल्याने हा अपघात झाल्याचा प्राथमिक अंदाज व्यक्त केला जात आहे.
अपघातानंतर पोलिस, अग्निशमन दलाचे जवान घटनास्थळी दाखल झाले. क्रेनच्या मदतीने पलटी झालेला ट्रक सरळ करण्यात आला. पोलिस अधिक तपास करत आहेत.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.