काणकोण : गोमंतकीय कलाकारांनी आपल्या नावाची मोहर आजतागायत सर्वत्र उमटवली आहे. बॉलिवूड, क्रीडा, संशोधन अशा सर्वच क्षेत्रात गोमंतकीयांनी आपलं नाव कोरलं आहे. आता के.जी.एफ. चाप्टर -2 या दक्षिणात्य हिंदी सिनेमाच्या तुफान गीत गायनात काणकोणच्या दोन गायक बंधूनी सहभाग घेतला आहे. (Sandesh and Laxman Naik News)

के.जी.एफ. चाप्टर -2 या दक्षिणात्य हिंदी सिनेमाच्या तुफान या गीत गायनात काणकोणच्या लक्ष्मण नाईक व संदेश नाईक या दोन गायक बंधूचा सहभाग आहे. या गीत गायनात ब्रिजेश शाहिल्या, मोहन कृष्ण, साज भट्ट, संतोष वैेकी, सचिन बसरूर, रवी बसरूर, प्रियांका भाल्ली व अन्य गायक कलाकारांचा (Artist) सहभाग आहे. या सिनेमातील गीतांना रवी बसरूर यांनी संगीत दिले आहे.

हा सिनेमा (Movie) हिंदी, कन्नड, मल्याळम, तामिळ आणि तेलगु अशा पाच भाषांत 22 एप्रिलला प्रदर्शित करण्यात येणार आहे. शंभर कोटी रुपये बजेटचा हा सिनेमा प्रशांत नील यांनी दिग्दर्शित केला आहे. संदेश आणि लक्ष्मण यांनी राज्यासह देशाच्या वेगवेगळ्या भागात आपले शास्त्रीय आणि उपशास्त्रीय गायनाच्या मैफली पेश केल्या आहेत. बॉलीवूड (Bollywood) सिनेमात गीत सादर करण्याची ही पहिलीच संधी सिनेमाच्या निर्मात्यांनी दिल्याचे नाईक बंधूंचं म्हणणं आहे.