गोवा विधानसभेच्या हिवाळी अधिवेशनाची तारीख निश्चित झाली आहे. जानेवारी महिन्यात 4 दिवसांचे होणार आहे. याबाबत माहिती देताना सभापती रमेश तवडकर यांनी पाच वर्षांचीच माहिती मागवता येईल अशी अधिसूचना जारी केली आहे. यावरुन काँग्रेस आमदार ॲड. कार्लुस फेरेरा यांनी गोवा सरकारला फटकारलं

( Goa Winter Session 2022 will be held for four days, MLA Carlos Ferreira criticized the Goa government)

मिळालेल्या माहितीनुसार गोवा विधानसभेच्या तारांकीत प्रश्नांवरुन मागील पाच वर्षांचीच माहिती घेता येणार आहे. यापेक्षा अधिक कालावधीची माहिती मागवता येणार नाही. अशा आशयाची अधिसूचना सभापती रमेश तवडकर यांनी जारी केली आहे. यावर आमदार ॲड. कार्लुस फेरेरा म्हणाले की, एखादा सरकारी प्रकल्प गेल्या 10 वर्षांपासून सुरू असेल, तर त्याची सुरुवातीपासूनची माहिती आमदारांनी का मागवू नये? सरकार जनतेच्या प्रश्नांना उत्तरे देण्यास घाबरत आहे का? असा टोला त्यांनी यावेळी लगावला. सरकारला जनतेच्या प्रश्नांची उत्तरे द्यायची नाहीत. म्हणूनच हा सुप्त प्रयत्न सुरु असल्याचा टोला त्यांनी यावेळी लगावला.

विधानसभेचे हिवाळी अधिवेशन 16 ते 19 जानेवारी

गोवा विधानसभेच्या हिवाळी अधिवेशनाची तारीख निच्छित झाली आहे. अधिवेशन 16 ते19 जानेवारी दरम्यान 4 दिवसांचे होणार आहे. गोवा विधानसभा सभापती रमेश तवडकर यांनी पत्रकार परिषद घेतली. व यासाठी लवकरच कामकाज सल्लागार समितीची बैठक बोलावली जाईल अशी ही माहिती समोर आली आहे.