Valpoi News शुक्रवारी पहाटे 3.30 च्या सुमारास केरी चेकपोस्टवर एका बेकायदेशीर गोमांस वाहतूक करणाऱ्या वाहनावर कारवाई करण्यात आलीय.

बेळगावहून गोव्याच्या दिशेने येणारा सय्यद इस्माईल मरचोनी (रा. पेडणे) हा आपल्या ताब्यातील टाटा योध्दा टेम्पो (जीए-09-06 यु 6352) केरी चेकपोस्टवर आला असता त्याला पोलिसांनी अडवल्यावर त्याच्याकडील वाहनात गोमांस आढळून आले.

तसेच त्याच्याकडे मांस वाहन परवाना नसल्याचेही पोलीस तपासणीत उघड झाले. पोलिसांनी आरोपी सय्यद मरचोनी याला ताब्यात घेतलाय.

या संदर्भात मिळालेली माहिती अशी की, बेळगावहून गोव्याच्या दिशेने गोमासाची वाहतूक करण्यात येत असल्याची माहिती गोप्रेमी राजीव झा यांना मिळाली होती.

त्यानुसार त्यांनी गोवा पोलिसांना सदर माहिती देऊन पाळत ठेवण्यास सांगितले होते. दरम्यान सदर वाहन केरी चेक पोस्टवर आल्यावर या वाहनावर धडक कारवाई करत वाळपई पोलिसांनी सर्व गोमास जप्त केले.

वाहनातील या मांसाची किंमत अंदाजे अकरा लाख असून यासंबंधीची तक्रार उसगाव फोंडा येथील गोप्रेमी राजीव झा यांनी वाळपई पोलिसात नोंदवली आहे. तसेच आरोपी सय्यद इस्माईल मरचोनी याला ताब्यात घेण्यात आले आहे.

वाळपई पोलिसांनी हस्तगत केलेल्या गोमासाचा पंचनामा करुन पशुवैद्यकीय डाॅक्टराकडून अहवाल घेतला आहे. या मासाची विल्लेवाट लावण्यात येणार असल्याचे पोलिसांकडून सांगण्यात आलेय.

यावेळी केरी येथील ड्युटीवर असलेले बाबलो गावकर यांना यावेळी वाहन ताब्यात घेण्यात मदत केली. तसेच या प्रकरणाचा पुढील तपास वाळपई पोलिस स्थानकाचे पोलिस निरिक्षक दिनेश गडकर यांच्या मार्गदर्शनाखाली उपनिरिक्षक श्री ठाकूर व सहकारी पुढील तपास करत आहे.