Panjim Lift Accident: लिफ्टचा दरवाजा उघडला अन् चेंबरमधून थेट खाली कोसळला, अल्तिनो येथील घटनेत एकजण गंभीर जखमी

Panjim Lift Accident पणजी अल्तिन्हो नजीकच्या एका खाजगी रुग्णालयाच्या लिफ्ट चेंबरमध्ये पडून एक व्यक्ती गंभीर जखमी झाल्याची घटना आज शुक्रवारी घडली.

या संदर्भात मिळालेल्या प्राथमिक माहिती नुसार रुग्णालयाच्या लिफ्टसमोर सदर व्यक्ती उभा असून लिफ्टमध्ये प्रवेश करण्यासाठी जे दार असते ते उघडल्यावर त्याने आत प्रवेश केला. मात्र लिफ्ट आलीच नसल्याने त्याचा तोल जाऊन तो खाली लिफ्ट चेंबरमधून तळमजल्यावर पडला.

सदर घटनेची माहिती मिळताच अग्निशामक दलाच्या जवानांनी लिफ्टच्या बोगद्यातून त्याला बाहेर काढले. मात्र उंचीवरून पडल्याने त्याला गंभीर दुखापत झाल्याची माहिती मिळाली आहे. सदर व्यक्तीला रुग्णालयात हलवण्यात आले आहे. सावितर बातमी अपडेट करत आहोत.