वाळपई: सत्तरीतील नगरगाव पंचायत क्षेत्रातील धावे गावातील संदेश भास्कर गाडगीळ यांच्या काजू बागायतीला आग लागून सुमारे दीड लाखांचे नुकसान झाले.

गुरुवारी दुपारी एकच्‍या सुमारास ही घटना घडली असावी, कारण सकाळच्या सत्रात बागायतीत कामगार होते. या दुर्घटनेत जवळपास अडीचशे काजूची झाडे जळाल्‍याचे मालक संदेश गाडगीळ यांनी सांगितले.

आग मुद्दाम लावली?

ही आग कोणीतरी मुद्दाम लावल्याचा संशय मालक संदेश गाडगीळ यांनी व्‍यक्त केला. कारण या क्षेत्रात वीजवाहिनी नाही. तसेच आग अचानक लागण्‍याची कोणतीही लक्षणे दिसत नाहीत, असे ते म्‍हणाले.

वरगाव-तामसुले येथेही काजू बागायत खाक

माशेल भागातील तामसुले-वरगाव डोंगरमाथ्यावरील काजू बागायतीला गुरुवारी अचानक आग लागल्याने मोठे नुकसान झाले. अग्निशामक दलाला डोंगरमाथ्यावर वाहन नेणे कठीण झाले.