Goa Traffic Police Drunk and Drive: बाणस्तारी अपघातानंतर वाहतूक पोलीस अॅक्शन मोडमध्ये आले असून बेशिस्तपणे वाहन चालवणाऱ्यांवर कारवाई करण्यास सुरुवात झाली आहे. यासाठी राज्यभरात वाहतूक पोलिसांनी अनोखी मोहीम सुरू केली असून आता साध्या वेषात पोलीस बारबाहेर तैनात ठेवण्यात आले आहेत.

याबाबत पोलिसांनी मद्यपींवर कारवाई करण्यास सुरुवात केली आहे. दक्षिण गोव्यात यामध्ये एकूण 1156 वाहनचालकांवर कारवाई करण्यात आली. त्यांच्यावर मोटर वाहन कायद्यांतर्गत गुन्हा नोंद करण्यात आला आहे.

'बार'बाहेर पोलिसांची पाळत!

काही चालक मद्यप्राशन करून वाहने चालवत असल्याने वाहतूक पोलिसांनी नवी युक्ती शोधून काढली आहे. विशेषत: गर्दी असलेल्या मद्यालयातून व्यक्ती बाहेर येते आणि वाहन घेऊन रस्त्यावर येते, त्यांच्यावर नजर ठेवण्यासाठी साध्या वेशातील पोलिस अशा मद्यालयांबाहेर तैनात करण्याचे ठरविले आहे.