राज्यातील नागरीक आणि पर्यटकांसाठी दर्जेदार सुविधा उपल्बध व्हाव्यात तसेच आरोग्याच्या समस्या निर्माण होऊ नये. यासाठी राज्य प्रदूषण मंडळ सातत्याने प्रयत्नशिल असते. याचाच भाग म्हणून आज राज्य प्रदूषण मंडळाने अवैध प्लास्टिक ( single use plastic ) वापरणाऱ्यांवर छापे टाकत कारवाई केली.

(Goa State Pollution Control Board conducts raids in Goa against single-use plastic)

मिळालेल्या माहितीनुसार आज गोवा राज्य प्रदूषण नियंत्रण मंडळाने अनेक ठिकाणी छापेमारी केली. या कारवाईत प्रदूषण मंडळाने नियमबाह्य प्लास्टिक विक्री करणाऱ्या व्यापाऱ्यांवर कारवाई केली आहे. या कारवाईमुळे अनेकांचे धाबे दणाणले आहेत. असे असले तरी कारवाईच्या नेमक्या ठिकाणांची माहिती अद्याप मिळू शकलेली नाही.

या कारवाईत प्रदूषण नियंत्रण मंडळाने सुमारे 73,800 रुपयाचे प्लास्टिक साहित्य जप्त केले आहे. जप्त केलेल्या साहित्यामध्ये पाणी पिण्याचे ग्लास, चहा पिण्याचे ग्लास, द्रोण यासह इतर साहित्याचा देखील समावेश आहे. मुख्य बाजारपेठेत कारवाई सुरु केल्यानंतर असे साहित्य विक्री करणाऱ्या अनेक व्यापाऱ्यांनी ते लपवण्याचा प्रयत्न केला. मात्र प्रदूषण नियंत्रण मंडळाने वेगाने कारवाई करत अनेकांची धरपकड केली आहे. यावेळी काही अधिकाऱ्यांनी सांगितले की, अवैध प्लास्टिकवर कारवाई यापुढे सुरुच राहणार आहे. कारण याबाबतच्या तक्रारी देखील वाढल्याचं त्यांनी सांगितले.