Digambar Kamat: पंतप्रधान नरेंद्र मोदी हे सुद्धा पारंपरिक औषधोपचाराला प्राधान्य देतात

Health: आरोग्य खात्याच्या सहकार्याने राज्य कुटुंब कल्याण ब्युरो व गोवा बोर्ड ऑफ होमिओपॅथी यांच्या संयुक्त विद्यमाने आयोजित केलेल्या आयुष डॉक्टरांसाठीच्या एकदिवसीय कार्यशाळेचे उद्‍घाटन मडगावचे आमदार दिगंबर कामत यांच्या हस्ते करण्यात आले.

दक्षिण गोवा जिल्हा इस्पितळाच्या सभागृहात आयोजित या कार्यशाळेच्या उद्‍घाटन समारंभाला गोवा बोर्ड ऑफ होमिओपॅथीचे चेअरमन डॉ. बिपीन साळकर, रजिस्ट्रार डॉ. राजेंद्रे काणेकर, राज्य कुटुंब कल्याण ब्युरोचे मुख्य वैद्यकीय अधिकारी डॉ. राजेद्र बोरकर, हवामान बदल विभागाच्या सल्लागार डॉ. गीतांजली कारे उपस्थित होत्या.

यावेळी आमदार दिगंबर कामत यांनी सांगितले, की लोकांना आजारातून त्वरित बरे व्हावेसे वाटते व ते एलोपॅथी औषधे घेतात, पण अशा औषधांना इतर परिणाम असतात. होमिओपॅथी व आयुर्वेद ही भारताची पारंपरिक औषधोपचार पद्धती आहे. पंतप्रधान नरेंद्र मोदी हेसुद्धा याच पारंपरिक औषधोपचाराला प्राधान्य देतात.

या औषधोपचाराचा दुष्परिणाम नसतो. गोव्यात होमिओपॅथी व आयुर्वेद औषधोपचाराला जेवढा पाहिजे तेवढा वाव नाही. त्यासाठी या दोन औषधोपचाराची जागृती होणे आवश्यक असल्याचे दिगंबर कामत यांनी सांगितले.

होमिओपॅथी किंवा आयुर्वेद उपचाराने लगेच आराम मिळत नसला, तरी रुग्ण कायमस्वरूपी त्या आजारातून मुक्त होऊ शकतो, असेही कामत यांनी सांगितले.