I-League 2 Football Tournament: सामन्यातील पाच मिनिटे बाकी असताना गोल स्वीकारल्यामुळे आय-लीग २ फुटबॉल स्पर्धेत स्पोर्टिंग क्लब द गोवा संघाला विजय हुकला.
वास्को येथील टिळक मैदानावर रविवारी झालेल्या लढतीत त्यांना सुदेवा दिल्ली एफसीने १-१ असे गोलबरोबरीत रोखले.
संघातील नवा खेळाडू मार्क कार्व्हालो याने चौथ्या मिनिटास केलेल्या गोलमुळे स्पोर्टिंग क्लब विजयाच्या दिशेने कूच करत होता.
८५व्या मिनिटास आश्रय भारद्वाज याने केलेल्या गोलमुळे सुदेवा दिल्ली संघाने पिछाडी भरून काढली. त्यामुळे दोन्ही संघांना प्रत्येकी एका गुणावर समाधान मानावे लागले.
स्पर्धेतील आणखी एका सामन्यात पश्चिम बंगालमधील कल्याणी येथे युनायटेड स्पोर्टस क्लबने स्पोर्टिंग क्लब बंगळूरला १-० असे निसटते नमविले.
85व्या मिनिटास साहिल हरिजन याने केलेल्या गोलमुळे युनायटेड क्लबच्या मोहिमेला विजयाने सुरवात झाली.
स्पर्धेत २७ जानेवारी रोजी गोव्याच्या दोन्ही संघांचे पुढील सामने होतील. स्पोर्टिंग क्लब द गोवासमोर केंकरे एफसीचे, तर धेंपो स्पोर्टस क्लबसमोर एफसी बंगळूर युनायटेडचे आव्हान असेल.
स्पर्धेच्या पहिल्या फेरीनंतर बंगळूर युनायटेड व युनायटेड स्पोर्टस क्लबचे प्रत्येकी तीन, तर धेंपो क्लब, ऑरेंज एफसी, स्पोर्टिंग क्लब द गोवा आणि सुदेवा दिल्ली एफसीच्या खाती प्रत्येकी एक गुण आहे. स्पोर्टिंग क्लब बंगळूर व केंकरे एफसी संघाने गुण नोंदवलेला नाही.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.