Goa Police राजस्थान येथील एका कुख्यात गुन्हेगाराला अटक करण्यात कळंगुट पोलिसांना यश मिळालंय. सलमान शफीक मोहम्मद, (वय 32 वर्षे रा. चमन हॉटेलच्या मागे, मयपुरा लाडपुरा कोटा, राजस्थान) असे त्याचे नाव असून कळंगुट येथे पर्यटनासाठी आला असताना त्याला कळंगुट पोलिसांनी अटक केलीय.

राजस्थान येथे सलमानचा गंभीर गुन्ह्यात सहभाग असल्याने त्याच्यावर नयापूर पोलीस स्टेशन, कोटा सिटी राजस्थान येथे यापूर्वीच गुन्हा नोंदविण्यात आला आहे.

दरम्यान तो वारंवार पोलिसांना चकवा देत असून राजस्थान पोलीस त्याचा शोध घेत होते. राजस्थान येथे गुन्हा केल्यानंतर सदर आरोपी फरार होता. आज कळंगुट पोलिसांना माहिती मिळताच पोलीस स्टेशनच्या पथकाने पोलिस निरीक्षक परेश नाईक यांच्या नेतृत्वाखाली त्याला अटक केलीय.

या कामगिरीत पीएसआय अक्षय पार्सेकर, एचसी-प्रशांत चोपडेकर, एचसी-विद्यानंद आमोणकर, पीसी-गणपत तिलोजी, पीसी-पी. अमीर गरड आणि पीसी-विजय नाईक.पीसी भगवान पालयेकर आदी पोलीस कर्मचाऱ्यांनी सहभाग घेतला होता