केंद्रीय आयुष मंत्रालयातर्फे राज्यात रायबंदर येथे आरोग्य सेवा, संशोधन सुविधा; 14 जुलै रोजी होणार उद्घाटन

Central Ayush Ministry: केंद्रीय आयुष मंत्रालयाने गोव्यात अत्याधुनिक आरोग्य सेवा आणि संशोधन सुविधा स्थापन केली आहे. ही सुविधा रायबंदर येथील जुन्या गोवा वैद्यकीय महाविद्यालयाच्या इमारतीत सुरु करण्यात आली आहे.

या नवीन सुविधेचे उद्घाटन 14 जुलै 2023 रोजी केंद्रीय आयुष मंत्री सर्वानंद सोनोवाल यांच्याहस्ते होणार आहे. सोनोवाल हे बंदरे, जहाज बांधणी आणि जलमार्ग खात्याचेही मंत्री आहेत.

याप्रसंगी गोव्याचे मुख्यमंत्री डॉ. प्रमोद सावंत, केंद्रीय बंदरे, जहाजबांधणी आणि जलमार्ग आणि पर्यटन राज्यमंत्री श्रीपाद नाईक, राज्याचे आरोग्यमंत्री विश्वजित राणे यांच्यासह गोवा सरकारमधील तसेच आणि आयुष मंत्रालयाचे अधिकारी उपस्थित राहणार आहेत.