दक्षिण पश्चिम रेल्वे प्राधिकरणाने (South Western Railway Authority) बेकायदेशीरपणे झाडे कापून दुहेरी ट्रेकिंगसाठी कासावली (Cassavalim) येथील खाजगी जमिनीत खांबांची बेकायदा उभारणी सुरू केली असता कुठ्ठाळीच्या आमदार एलिना साल्ढाणा (Cortalim MLA Alina Saldhana) तसेच गोयचो एकवोट (Goemcho Ekvott) आणि कासावली आरोसी (Aarosim - Cassavalim) येथील नागरिकांनी हस्तक्षेप करून रेल्वे अधिकाऱ्यांना साइटवरून खांब काढून ते घेऊन जाण्यास परावृत्त केले. मुरगाव बंदर ते हुबळी (Mormugoa Port to Hubali) पर्यंत होणाऱ्या रेल्वे दुपदरी रुळाला (Railway Double Tracking) केंद्रीय अधिकार प्राप्त समितीने विरोध दर्शवला असताना, केंद्रीय रेल्वे मंत्रालयाने दुपदरी रेल्वे रुळाचे बेकायदेशीर काम वेगाने चालू केले आहे. वास्को मुरगाव बंदर ते होस्पेट हुबळी घाट पर्यंत कोळसा निर्यात (For Coal Export) करण्यासाठी दुपदरी करणाचे काम युद्धपातळीवर सुरु आहे. (Goa)

दरम्यान आज सकाळी कासावली येथे रेल्वे प्रधिकरणाने खाजगी जमीन बेकायदेशीररित्या झाडे कापून तेथे खांब पुरून कुंपण घालण्याचे काम सुरू केले असता, गावकऱ्यांना यांची माहिती मिळताच कासावली, आरोसी येथील ग्रामस्थ एकवटले. तसेच त्यांनी याची माहिती आमदार एलिना साल्ढाणा व गोयचो एकवोट या संघटनेला देताच ते तेथे दाखल झाले व रेल्वेने चालवलेले हे बेकायदेशीर कुंपणाचे काम थांबवले व खांब उखडून टाकले. यावेळी उपस्थित आमदार साल्ढाणा यांनी रेल्वे अधिकाऱ्यांना साइटवरून खांब हटविण्यास भाग पाडले. गोयचो एकवट सहसचिव ओलेन्सिओ सिमाईस यांनी रेल्वे प्राधिकरण जमिनीच्या कायद्याला न जुमानता सतत बेकायदेशीर कारवाया करत आहे. जेव्हा मी रेल्वे अधिकाऱ्यांना त्यांच्या वैध परवानगी बद्दल विचारले असता ते कोणतेही तपशील देऊ शकले नाही. परंतु त्याऐवजी त्यांनी आमच्या जमिनी जबरदस्तीने घुसखोरी केली आणि आमची झाडे कापली असल्याचे ते म्हणाले.

वेलसाव, कासावली पंचायतीच्या कार्यक्षेत्रात भूसंपादनास आक्षेप घेण्याचा ठराव मंजूर केला होता. तरीही रेल्वे गावकऱ्यांना अधिग्रहण करण्यास भाग पाडत आहेत. गोयचो एकवटचे संस्थापक ओरविले रॉड्रिगीस यांनी सर्वोच्च न्यायालयाने केंद्रीय अधिकार प्राप्त समितीला आरोपाचे मूल्यमापन करण्याचे निर्देश दिले. तरीही मालकी हक्क नसलेल्या रेल्वेने जमीन अधीग्रहण प्रक्रियेवर जमीन मालकांनी आक्षेप घेतल्यानंतरही ग्रामस्थांवर अधिग्रहणाचा दबाव टाकला असल्याचे ते म्हणाले. स्थानिक आमदार एलिना साल्ढाणा यांनी रेल्वे विकास निगम लिमिटेडचे महाव्यवस्थापक एस बी साहू यांना फोन करून हे काम तातडीने थांबवण्यास सांगितले आणि त्यांना कासावली गावात त्यांच्या तथाकथित रेल्वे हद्दीला कुंपण घालण्यासाठी उभारलेले सर्व खांब काढून टाकण्यास प्रवृत्त केले.