डिचोली: नाळही न झडलेल्या नवजात अर्भकाला उकिरड्यावर टाकल्‍याप्रकरणी पोलिस तपासाला गती देण्यात आली, तरी पोलिसांना अद्याप ठोस धागेदोरे हाती लागलेले नाहीत. त्यामुळे या प्रकरणी गूढ निर्माण झाले आहे. दुसऱ्या बाजूने ‘त्या’ अर्भकाची प्रकृती स्थिर असली, तरी अर्भक जन्मदात्रीच्या पान्ह्याला व्याकुळलेले आहे.
मायणा-न्हावेली येथे जिवंत अर्भक उकिरड्यावर टाकण्याचा प्रकार बुधवारी उघडकीस आला. त्‍यानंतर सर्वत्र खळबळ माजली असून, अर्भकाला उकिरड्यावर टाकण्याच्या प्रकाराबद्दल तीव्र चीड व्यक्त होत आहे. या निर्दयी कृत्य करणाऱ्या माता-पित्याचा शोध घेऊन त्यांच्यावर कारवाई करावी, अशी मागणीही होत आहे. अर्भक अनैतिक संबंधातून जन्माला आल्याने, की एखाद्या माता-पित्याने मुलगी म्हणून नवजात अर्भकाला टाकून दिले, आदी अनेक प्रश्न सध्या उपस्थित होत आहेत. डिचोली पोलिस निरीक्षक महेश गडेकर यांच्या मार्गदर्शनाखाली या प्रकरणाचा तपास चालू आहे.
अर्भकाची प्रकृती स्थिर
‘त्या’ अर्भकाला गोमेकॉत दाखल केले आहे. सध्या त्याची प्रकृती स्थिर असली, तरीदेखील ते अर्भक जन्मदात्या आईच्या पान्ह्याला व्याकुळलेले आहे, अशी माहिती मिळाली आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.