Goa Monsoon Sandip Desai
गोवा

Goa Monsoon Update: दिलासादायक! पावसाचे इंचांचे 'शतक' पूर्ण

दिलासादायक : 27 दिवस तुफान बरसात ठरली फायदेशीर

गोमन्तक डिजिटल टीम

Goa Monsoon Update राज्यात २२ जूनपर्यंत गायब झालेल्या पावसाने पुढील ३४-३५ दिवसांत धमाल उडविली. त्यापैकी २७ दिवसांत पडलेल्या अतिरिक्त पावसाने यंदा इंचाची शंभरीही लवकरच गाठली.

गेला आठवडाभर पावसाने उसंत घेतली असली, तरी हलक्या आणि मध्यम स्वरूपात पडणाऱ्या सरींनी आज अखेर १००.१० इंचाची नोंद केली.

प्रशांत महासागरात सक्रिय असलेल्या ‘अल निनो’मुळे यंदा केरळात ८-९ दिवस उशिरा मॉन्सून दाखल झाला. मात्र, देशभरात सक्रिय होण्यासाठी त्याला फारसा वेळ लागला नाही. राज्यात पावसाने ११ जूनला हजेरी लावली खरी.

मात्र, त्यानंतर दडी मारली. दरम्यान, याच नैऋत्य मॉन्सून मार्गावर आलेल्या चक्रीवादळामुळे मॉन्सून मार्गात अडथळे आले आणि पाऊस बंद झाला होता. हीच अवस्था २०-२२ जूनपर्यंत राहिली.

राज्यातील काही धरणांसह विहिरी, नद्या, नाले, कोरडे पडले होते. राज्यात अनेक ठिकाणी तीव्र पाणी टंचाईची स्थिती निर्माण झाली. पाण्यासाठी जलस्त्रोत खात्यासह सार्वजनिक बांधकाम खात्याची पळापळ सुरू झाली होती.

या दरम्यान बंगालच्या उपसागरात निर्माण झालेला कमी दाबाचा पट्टा आणि मध्य भारतात तयार झालेला भूखंडीय ऑफशोर टर्फ यामुळे मॉन्सूनचा वेग पुन्हा वाढला आणि २३ जूनपासून राज्यात मुसळधार पावसाला सुरवात झाली. पुढे २७ जुलैपर्यंत राज्यात मॉन्सूनची सक्रिय हजेरी राहिली. या ३४-३५ दिवसांमधील ७ दिवस वगळता २७ दिवस अतिरिक्त पाऊस पडला.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Goa Assembly Session: तांत्रिक अडचणीमुळे फ्लाय91 पुणे-गोवा सकाळच्या विमान उड्डाणाला विलंब

Goa Assembly: परराज्यातील दुचाकींची राज्यात नोंदणी व्हावी! दिलायला लोबोंची मागणी; टॅक्सी व्यवसाय संरक्षित करा असे आवाहन

GIDC:‘आयडीसी’च्या संचालकांवर गुन्हे नोंदवा! फेरेरांची मागणी; वित्तीय शिस्त न पाळल्याचा ठेवला ठपका

Ferry Boat Repair: फेरीबोटींवर 35 कोटींपेक्षा अधिक खर्च! आकडेवारीत विसंगती असल्याचा दावा; युरी-फळदेसाई यांच्यात जुंपली

Goa Politics: खरी कुजबुज; गोव्यातील ठेकेदार सुटले कसे?

SCROLL FOR NEXT