Goa monsoon 2023: गोव्यात जुलैच्या पहिल्या आठवड्यात मुसळधार पाऊस झाल्यानंतर मागील काही दिवस पावासाने उसंत घेतली आहे. तरी आधूनमधून जोराचा पाऊस पडत आहे. पावसामुळे अनेक ठिकाणी पडझड होत आहे.

प्रभुनगर फोंडा येथून संरक्षक भिंत कोसळण्याची एक घटना समोर आली आहे. यात भिंतीखाली पार्क केलेल्या चारचाकीचे आणि शेजारीच असलेल्या दुचाकींचे नुकसान झाले आहे. आज (शुक्रवारी, दि.14) सकाळी साडे दहा वाजता ही घटना घडली.

मिळालेल्या माहितीनुसार, सकाळी साडे दहा वाजता प्रभुनगर येथील एका घराची संरक्षक भिंत कोसळली. त्यात खालीच पार्क केलेल्या चारचाकीवर भिंतीचा सर्व भराव पडल्याने त्याचे मोठे नुकसान झाले तर, त्या शेजारीच असलेल्या दुचाकींचे देखील नुकसान झाले आहे. येथून जाणारी गॅस पाईपलाईन तुटल्याने पाईप लिक झाली, दरम्यान, पाईपलाईन तात्काळ दुरूस्त करण्यात आली आहे. सुदैवाने या दुर्घटनेत कोणतीही जीवीतहाणी झाली नाही.

सैन्य दलाचे कुंपण रस्त्यावर कोसळले

कुर्टी पंचायत कार्यालय जवळील सौन्य दलाचे कुंपण रसत्यावर कोसळले आहे. गुरूवारी रात्रीच्या सुमारास ही घटना घडली. भिंत पडल्यानंतर मार्ग मोकळा करण्याचे काम सुरू आहे.

याशिवाय सततच्या पावासामुळे कारापूर-विठ्ठलापूर येथील फणसाचे झाड रस्त्यावर कोसळले आहे. अग्निशमन दलाच्या जवानांकडून झाड हटविण्याचे काम सुरू आहे.

तसेच, कांपाल पणजी जिमखाना जवळ मोठे झाड कोसळल्याने दोन दुचाकींचे नुकसान झाले आहे.

राज्यात पुढील 3 ते 4 तासांत मुसळधार पावसाची शक्यता

गोवा हवामान खात्याने राज्यात पुढील 3 ते 4 तासांत मुसळधार पावसाची शक्यता व्यक्त केली आहे. हवामान खात्याने राज्यातील जनतेला सतर्क राहण्याचा इशारा दिला आहे.