Goa Monsoon 2023: भारतातून मॉन्सूनने माघारीचा प्रवास सुरू केला आहे. तथापि, गोव्यातून अद्याप मॉन्सूनने पूर्ण माघार घेतलेली नाही. ऑक्टोबर महिन्याचा विचार करता पहिल्या आठवड्यात गोव्यात सर्वसामान्य प्रमाणापेक्षा 57 टक्के जास्त पाऊस झाला आहे.

गोव्यात सामान्यतः जून ते सप्टेंबर हा पावसाचा काळ आहे. आणि ऑक्टोबरच्या सुरवातीला गोव्यातून मॉन्सूनच्या पावसाची माघार होत असते. तथापि, यंदाच्या मॉन्सूनच्या हंगामात बरेच बदल दिसून आले आहेत.

देशातील अनेक राज्यांतून मॉन्सूनने माघार घेतलेली आहे. तथापि, गोव्यातून मात्र अद्याप माघार घेतलेली नाही.

हवामानतज्ज्ञांच्या मते, गोव्यात एरवी ऑक्टोबर महिन्यात दहा दिवसांमध्ये सरासरी 143 मिलीमीटर पावसाची नोंद झाली आहे. तथापि, यावेळी हवामान बदल दिसून येत आहे.

त्याचा परिणाम गोव्याच्या एकूण हवामानात दिसून येत आहे. त्यामुळे गोव्यातील मॉन्सूनचा पॅटर्न बदलताना दिसत आहे.

सध्या राज्यात स्वच्छ आकाश आणि घटलेली आर्द्रता तसेच वाढते तापमान अशी स्थिती राज्यात अनेक ठिकाणी आहे.

सध्या मध्य भारत, देशाचा बराचसा भाग आणि उत्तर महाराष्ट्रातून मॉन्सूनने पूर्णतःमाघार घेतली आहे. तर, आगामी काही दिवसांत गोव्यातूनही मॉन्सून पूर्ण माघार घेईल.