Goa News: धान्याचा काळाबाजार होत असल्याचे उघडकीस आले. त्याबद्दल सरकारला किंवा नागरी पुरवठा खात्याला दोष देता येणार नाही. नागरी पुरवठा खात्यातून रास्त भावाच्या दुकानांमध्ये धान्य नेत असताना हे प्रकार घडलेले आहेत. यात रास्त भाव दुकानवाल्यांचा हात असण्याची शक्यता खासदार सार्दिन यांनी व्यक्त केली.

सरकारने रेशनमधील काळाबाजार करणाऱ्यांना पकडले असून कारवाई व तपास सुरु केला असल्याचे सार्दिन यांनी आज मडगावात घेतलेल्या पत्रकार परिषदेत सांगितले. ही घटना म्हणजे सरकारने डोळे उघडण्यासाठी उपयोगी पडेल.

अशा घटना यापुढे घडू नये, म्हणून सरकारने कडक पावले उचलली पाहिजेत. कृषिमंत्र्यांनी शेती व्यवसायाला प्राधान्य देण्यासाठी आर्थिकदृष्ट्या व्यावहारिक होण्यासंदर्भात योजना सुरू केल्या पाहिजेत, असेही सार्दिन म्हणाले.

दोन महामंडळांवर सार्दिन यांची निवड

फूड कॉर्पोरेशन ऑफ इंडियाच्या (भारतीय अन्न महामंडळ) व बीएसएनएल (भारत संचार निगम लिमिटेड) गोवा विभागाच्या अध्यक्षपदी नियुक्ती झाल्याचे सार्दिन यांनी स्वतः सांगितले. धान्य पुरवठ्यात सुसुत्रता आणण्यासाठीच्या उपाययोजनांवर विचार विनिमय केला जाईल, असेही ते म्हणाले.