Manoj Parab आगामी लोकसभा निवडणुकीसाठी सर्वच राजकीय पक्ष कसोशीने प्रयत्न करीत असून उत्तर गोव्यात माझ्यासह अजय खोलकर, तर दक्षिणेत रुबर्ट परेरा, शैलेश नाईक आणि विश्वेश नाईक अशी तीन नावे आहेत.

नावे निश्चित करण्यासाठी आमच्या निवडणूक समितीची बैठक होणार असून आमचे उमेदवार लोकशाही प्रक्रियेद्वारे निवडले जातात.

आम्ही गुप्त मतपत्रिकेत मतदान करण्यास सांगितले आणि त्यांना उत्तर आणि दक्षिण गोव्यासाठी नावे सुचवण्यास सांगितले अशी माहिती आरजीचे मनोज परब यांनी गोमंतकीशी बोलताना दिलीय

राज्यात काँग्रेसने केलेल्या गलथान कारभारामुळे लोकांनी काँग्रेसला रिजेक्ट केलंय. थोड्या प्रमाणात जे काही काँग्रेसचे उमेदवार निवडून आले असले तरी त्यांना हवा तितका विकास करता आला नाही आणि हे चित्र गोमंतकीयांसमोर आहे. त्यामुळे त्यांनी यापुढे कोणाला मतदान करायचे हे ठरवावे असेही परब म्हणाले.

आम्ही विधानसभा निवडणूक लढवली तेव्हाही आमच्या खात्यात फक्त 1-2 लाख होते. आता आमच्याकडे निवडणूक लढवल्यासाठी पैसे नाहीत पण हिंमत आहे. या निवडणुकीत गोवावासीय आम्हाला साथ देतील याची खात्री आहे.

दोन्ही जागा लढवण्यासाठी आम्हाला अडीच कोटींची गरज आहे, सर्व खर्चाचा तपशील आम्ही आमच्या वेबसाइटवर टाकला आहे. गोवावासीय आम्हाला देणगी देतील असा विश्वास असल्याचेही परब म्हणाले.