Goa IMD Rain Forecast: उत्तर गोवा आणि दक्षिण गोव्यात शुक्रवार आणि शनिवारी या दोन्ही जिल्ह्यांमध्ये पूर्वेकडील वाऱ्यांमुळे ढगांचा समुह तयार झाला आहे. त्यामुळे दोन्ही जिल्ह्यांमध्ये मेघगर्जनेसह पाऊस पडण्याची शक्यता, गोवा वेधशाळेने वर्तवली आहे.

भारतीय हवामान विभाग (IMD) पणजी केंद्रातील शास्त्रज्ञ राजश्री व्ही. पी. एम. यांनी ही माहिती दिली आहे.

IMD ने बुलेटिनमध्ये म्हटले आहे की, कडक उन्हाचा तडाखा असतानाही अनेक दिवसांपासून वातावरण तुलनेने आल्हाददायक होते. दोन दिवस हवामान कोरडे राहणार असले तरी बुधवारी सकाळी काही ठिकाणी धुके पडण्याची शक्यता आहे.

7 एप्रिल रोजी काही ठिकाणी विजांच्या कडकडाटासह वादळी पावसाची शक्यता आहे.

मंगळवारी, IMD, पणजी येथे किमान तापमान 20 अंश सेल्सिअस-साधारणपेक्षा साडेचार अंश कमी नोंदवले गेले. शहराच्या मध्यवर्ती भागात तापमानाचा पारा एक-दोन अंशांनी खाली येण्याची शक्यता आहे.

सोमवारी हवामान केंद्रात 33 अंश सेल्सिअस आणि मंगळवारी 32.3 अंश सेल्सिअस तापमानाची नोंद झाल्यामुळे कमाल तापमानदेखील सामान्य मर्यादेत आहे.

मार्च 2023 मध्ये, पहिल्या पंधरवड्यातील बहुतेक दिवस कमाल तापमान 36 अंश सेल्सिअसच्या वर गेले होते. परंतु वाऱ्याच्या दिशेत बदल झाल्यामुळे दुसऱ्या पंधरवड्यात पारा सामान्य मर्यादेत खाली आला, तर किमान तापमान साधारण महिनाभर सामान्य राहिले.