पणजी: गोव्यातील किनारी पर्यटनाचा अभ्यास आंध्र प्रदेश सरकारने केला आहे. यासाठी बापटला जिल्ह्याच्या जिल्हाधिकाऱ्यांच्या नेतृत्वाखाली एक शिष्टमंडळ गोव्यात पाठवले होते.
बापटला जिल्ह्याचे जिल्हाधिकारी डॉ. व्ही. विनोद कुमार यांच्या नेतृत्वाखालील उच्चस्तरीय शिष्टमंडळाने गोव्यातील तीन दिवसीय अभ्यास दौरा पूर्ण केला. शाश्वत किनारी पर्यटन विकासाच्या नमुन्यांचा अभ्यास करण्याच्या उद्देशाने हा दौरा आयोजित करण्यात आला होता. रविवारी या शिष्टमंडळाने मुख्यमंत्री डॉ. प्रमोद सावंत यांची भेट घेतली.
शिष्टमंडळाने गोव्याच्या किनारी पर्यटन आराखड्याचा सखोल अभ्यास केला. देशातील सर्वाधिक यशस्वी आणि सुव्यवस्थित मॉडेल म्हणून गोव्याच्या किनारी पर्यटन व्यवस्थेकडे पाहिले जाते. या अभ्यासातून मिळालेल्या अनुभवाच्या आधारे बापटला जिल्ह्यासाठी शाश्वत पद्धतीने किनारपट्टी विकसित करण्याचा संरचित आराखडा तयार करण्यात मदत होईल, असे त्यांनी सांगितले.
नियमांचे काटेकोर पालन
यावेळी डॉ. प्रमोद सावंत यांनी किनारी विकास प्रकल्प राबविताना किनारी नियमन क्षेत्र नियमांचे काटेकोर पालन करण्याचा सल्ला दिला. पर्यावरणदृष्ट्या नाजूक परिसंस्था जपण्यासाठी आणि कायदेशीर अडचणी टाळण्यासाठी हे अत्यावश्यक असल्याचे त्यांनी नमूद केले. गोव्यात पाहिलेल्या उत्तम पद्धती बापटला जिल्ह्याच्या भौगोलिक व किनारी परिस्थितीनुसार स्वीकारल्या जातील, असे शिष्टमंडळाने आश्वासन दिले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
