Employment Exchange Card in Goa

पणजी : शिक्षण पूर्ण झालंय, सरकारी जॉब करायचा आहे मात्र 'कसा'? हे काळात नसेल तर आर्टिकल शेवटपर्यंत वाचा.

सरकारी जॉब हा इतर प्रायव्हेट जॉबच्या तुलनेत सुरक्षित मानला जातो म्हणूनच प्रत्येकाला सरकारी काम मिळावं अशी अपेक्षा असते, मात्र सरकारी जॉब म्हटलं की कुणा बड्या आमदाराची ओळख असावीच लागते किंवा एखाद्या राजकारण्याने आपल्या नावाची शिफारस करावी लागते अशा एक ना अनेक गोष्टी तुम्ही ऐकल्याच असतील.

पण जर का तुम्ही गोव्यात राहत असाल तर घरबसल्या मोबाईलच्या स्क्रिनवरून काही क्षणात सरकारी काम मिळवू शकता.

Goa Government Employment Card How To Apply

गोवा सरकारने सर्व गोवेकरांसाठी सरकारी जॉबची एक मोठी शृंखला खुली केलीये. या संधीचा फायदा करून घेण्यासाठी तुम्हाला goaonline.gov.in या वेबसाईटला भेट द्यावी लागेल.

वेबसाईटवर गेल्यानंतर सर्वात आधी तुमचा अकाउंट उघडावा लागतो. तुमचा वैयक्तिक ई-मेल आयडी आणि पासवर्ड टाकून काही क्षणात हे सोपं आहे. पुढे लॉगइन (login) केल्यानंतर सर्चबारमध्ये जाऊन Labour and Exchange Card हा पर्याय निवडावा.

हा पर्याय निवडल्यानंतर आपोआप काही नियम व अटी तुमच्या स्क्रिनसमोर येतील, त्या व्यवस्थित वाचून घ्या.

गोवा सरकारचे एम्प्लॉयमेंट कार्ड मिळवण्यासाठी खालील दस्तऐवज महत्वाचे आहेत: (Documents required for employment card in Goa)

१. फोटो (size less than 80kb)

२. १५ वर्षांचा रहिवासी दाखला

३. जर का तुमच्याजवळ १५ वर्षांचा रहिवासी दाखल नसेल तर तुमच्या पती किंवा वडिलांचा रहिवासी दाखल देता येतो.

४. शैक्षणिक पात्रता सिद्ध करणारी कागदपत्रे (Educational certificate)

५. लग्न झालेलं असल्यास लग्नाचा दाखला (Marriage certificate)

६. कास्ट सर्टिफिकेट

७. एक्स्पीरियंस सर्टिफिकेट (Experience certificate)

८. गरज असल्यास अपंगत्वाचे प्रमाणपत्र (GMC/Hospicio/Asilo हॉस्पिटलने जारी केलेले असावे)

९. तुम्ही खेळाडू असल्यास क्रीडा आणि युवक संचालनालयाने जारी केलेला फॉर्म IV

१०. सरकारी नोकरांच्या नोंदणीसाठी N.O.C. फॉर्म

११. गरज असल्यास स्वातंत्र्यसैनिक किंवा बेरोजगारीचा दाखला (Freedom Fighter & Unemployment certificate)

शिक्षण पूर्ण होऊन नोकरीच्या शोधात असलेल्या प्रत्येक गोवेकरासाठी गोवा सरकारने सुरु केलेला हा सर्वात सुंदर उपक्रम आहे. विशेष म्हणजे यासाठी तुम्हाला कुठल्याही सरकारी कार्यालयात जाऊन वेळ खर्च करावा लागत नाही.

तुम्ही जर का एखाद्या सरकारी नोकरीसाठी पात्र असाल आणि सरकारी विभागांमध्ये अशी काही जागा रिक्त असेल तर Employment Exchange च्या अधिकाऱ्यांचा फोन येतो आणि घरबसल्या सरकारी नोकरी मिळवली जाऊ शकते.