राज्य सरकारची भूमिका गोमंतकीयांच्या विरोधात; काँग्रेसकडून 'हाथ बदलेगा हालात' मोहीम सुरु

पणजी: राज्य सरकारच्या गोमंतकीयांबाबत भूमिका पाहिल्यास त्या विरोधी असल्याचे स्पष्ट आहे. दरम्यान या सर्व समस्या सोडविण्यासाठी काँग्रेसच्या सेवादल संघटनेतर्फे हाथ बदलेगा हालात मोहीम सुरु करण्यात आली आहे, असे प्रदेश सेवादलाचे कार्यवाह तथा मुख्य संघटक राजन घाटे यांनी सांगितले.

या पत्रकार परिषदेत मुख्य संघटक जयदेव गावकर उपस्थित होते. घाटे पुढे म्हणाले की, गोमंतकीयांना सरकार विरोधी भूमिका घेत असल्याचे दिसत आहे. म्हादई, पाणी समस्या, रस्त्यांवर पडलेले खड्डे आणि त्यामुळे होणार ट्रॅक्स, वीज दरवाढ, झुवारी जमीन घोटाळा, सनबर्न, डोंगर कापणी असे अनेक विषय आहेत. हे विषय सोडविण्यासाठी सेवादल प्रयत्न करणार आहे.

राज्यात गोमंतकीय असल्यास जमीन मिळत नाही, परंतु बिगर गोमंतकीयांना मात्र जमीन सहज उपलब्ध होते. आम्हाला हे हालात बदलण्यासाठी एकत्र येणे अनिवार्य बनले आहे. ही मोहीम सुरु झाल्यावर आम्ही विविध उपक्रम सेवादलातर्फे घेणार आहोत. गोवा राज्य टिकविण्याचे काम आता आम्हा सर्वांना करायचे आहे. त्यामुळे आपण सर्वांनी एकत्र येऊन लढायला हवे, असे घाटे म्हणाले.

मिस कॉल द्या

सेवादलात काम करण्यासाठी आणि जनतेचा आवाज बनण्यासाठी काँग्रेसच्या कार्यकर्त्यांनी आणि हितचिंतकांनी ९११२९०००८९ क्रमांकावर मिस कॉल देण्याचे आवाहन राजन घाटे यांनी केले आहे.