Goa: कासारवर्णे, पेडणे (Pernem) येथे काम करणाऱ्या राजस्थानच्या (Rajasthan) भिलवाडा येथील इसमाचा वीज (Lightning Strike) पडून मृत्यू झाल्याची घटना घडली आहे. सदर इसमास कासारवर्णे प्राथमिक आरोग्य केंद्रात मृत (Dead) घोषित करण्यात आले.

मृत काळू माळी (वय 37 वर्षे) हा हातखणे, पेडणे येथे संध्याकाळी पावणे सहाच्या सुमारास आपल्या दोन सहकाऱ्यांसह पावसामुळे प्लास्टिकच्या ताडपत्री खाली आश्रय घेत होता. तेव्हा अचानक विजेचा धक्का बसल्यामुळे काळू माळी जमिनीवर कोसळून बेशुद्ध पडला. सदर घटनेची चौकशी करून पंचनामा केला व मृतदेह गोवा मेडिकल कॉलेज (GMC), बांबोळी येथे शवागरात पाठवला. सदर घटनेचा तपास पेडणे पोलीस करत आहेत.