वास्को: अखिल भारतीय काँग्रेस पक्ष (Goa Congress) पुन्हा एकदा गोव्यात सत्ता स्थापन करण्यासाठी पुढाकार घेणार आहे. यासाठी गोवा प्रदेश काँग्रेस समितीने सर्व मतदारसंघात जाऊन उमेदवाराची चाणी सुरू केली आहे. वास्कोत कॉंग्रेस उमेदवारी प्रक्ष श्रेष्ठी ज्याला कोणाला उमेदवारी देणार तो तेथे मोठ्या मताधिक्क्याने विजयी होणार असल्याची माहिती मोरगावचे माजी नगराध्यक्ष तथा वास्कोचे युवा काँग्रेस नेते नंदादीप राऊत यांनी दिली.

वास्को (Vasco) मुंडवेल येथील ' ई- झोन' स्नूकर गेम सायबर, स्टेशनरी दुकानाच्या उद्घाटन मुरगावचे माजी नगराध्यक्ष तथा वास्को काँग्रेस (Congress) युवा नेते नंदादीप राऊत यांच्या हस्ते करण्यात आले. यावेळी त्यांच्या समवेत गोवा काँग्रेस अल्पसंख्यांक विभागाचे अध्यक्ष नजीर खान, दुकानाचे मालक तनवीर सौदागर, तुषार नाईक, शाहिद शेख, साजिद खान, तुषार नाईक, राजू नाईक व इतर मान्यवर मोठ्या संख्येने उपस्थित होते. पुढे बोलताना नंदादीप राऊत म्हणाले की केंद्रात काँग्रेस पुन्हा सत्ता स्थापन करून सुसज्ज असे प्रशासन देणार आहे. भाजप सरकारने सर्व क्षेत्रातील जनतेला आर्थिक रित्या कुमकुवत करून ठेवले आहे.

देशातील जनता महागाईने ग्रासलेली असल्याने जनतेसमोर एकच पर्याय राहिला आहे तो म्हणजे काँग्रेस पक्ष, अशी माहिती राऊत यांनी दिली.

गोव्यात होणाऱ्या विधानसभा निवडणुकीत (Goa Assembly Election) काँग्रेस पक्ष बहुमताने निवडून येणार आहे. गोवा प्रदेश काँग्रेस समितीने सर्व मतदार संघातील काँग्रेस उमेदवार निवडण्याची चाचणी सुरू आहे. गोवा विधानसभा निवडणुकीत यंदा वास्कोत काँग्रेसचा उमेदवार बहुमताने निवडून येणार असल्याची माहिती नंदादीप राऊत यांनी दिली. गोवा काँग्रेस अल्पसंख्यांक अध्यक्ष नजीर खान यांनी सांगितले की राज्यात यंदाचे सरकार काँग्रेस पक्ष स्थापन करणार आहे. कारण गोव्यातील जनता भाजप सरकारवर नाराज असून यांचे सूर येणाऱ्या विधानसभेत भाजप पक्षाला जनता दाखवणार असल्याची माहिती खान यांनी दिली.